حضور! ایسا کوئی انتظام ہو جائے
سلام کے لیے حاضر غلام ہو جائے
نظر سے چوم لوں اِک بار سبز گنبد کو
بلا سے پھر میری دنیا میں شام ہو جائے
تجلّیات سے بھر لوں میں کاسئہ دل و جاں
کبھی جو اُن کی گلی میں قیام ہو جائے
حضور آپ جو چاہیں تو کچھ نہیں مشکل
سمٹ کے فاصلہ یہ چند گام ہو جائے
حضور آپ جو سُن لیں تو بات بن جائے
حضور آپ جو کہہ دیں تو کام ہو جائے
ملے مجھے بھی زبانِ بو صیریؔ و جامی ؔ
مرا کلام بھی مقبولِ عام ہو جائے
مزا تو جب ہے فرشتے یہ قبر میں کہہ دیں
صبؔیح! مدحتِ خیر الانام ہو جائے
Huzoor! Aisa koi intezaam ho jaaye
Salaam ke liye haazir ghulam ho jaaye
Nazar se choom loon ik baar sabz gumbad ko
Bila se phir meri duniya mein shaam ho jaaye
Tajalliyaat se bhar loon main kaasa-e-dil o jaan
Kabhi jo unki gali mein qiyaam ho jaaye
Huzoor aap jo chahein to kuch nahi mushkil
Simat ke faasla yeh chand gaam ho jaaye
Huzoor aap jo sun lein to baat ban jaaye
Huzoor aap jo keh dein to kaam ho jaaye
Mile mujhe bhi zubaan-e-Bu Sireeؔ aur Jaamiؔ
Mera kalaam bhi maqbool-e-aam ho jaaye
Maza to jab hai, farishte yeh qabr mein keh dein
Subh! Madhat-e-Khayr-ul-Anam ho jaaye
اگر آپ موبائل پر 6000 سے زائد نعتیں پڑھنا چاہتے ہیں تو نعت لائبری ایپ ڈاونلوڈ کریں۔
ایپ ڈاونلوڈ کریں